ഒരു വെണ്‍ശലഭമെന്നരുകില്‍ പറന്നടുത്തു;
അവളുടെ മോഹന നടനമെന്‍ മനം കവര്‍ന്നു.
മുറ്റത്തെ മുല്ലയിളവളൊളിച്ചിരുന്നു,
കാറ്റിന്‍ കരങ്ങളിലൂഞ്ഞാലാടിയിരുന്നു...
പൂവിന്‍ സൌരഭ്യമെന്നന്തരംഗത്തിലു-
ണര്‍ത്തി, അവാച്ച്യമാമോരനുഭൂതി!
കുഞ്ഞിച്ചിറകുകള്‍ വീശിയടുത്തു, ആ
കുഞ്ഞന്‍ പൂമ്പാറ്റ വീണ്ടുമെന്നരുകില്‍...
എനിക്കു ചുറ്റും നൃത്തം വെച്ചേറെ നേരം;
പുഞ്ചിരി തൂകിയവള്‍ യാത്രയായ്!
ഒരുമാത്ര കൊണ്ടെന്‍ ജീവനിവളുതിര്‍ത്തു
നിസ്വാര്‍ത്ഥ സ്നേഹത്തിന്‍ മോദമുകുളങ്ങള്‍!!!
പുഷ്പമായെന്‍ ജീവിതവല്ലരിയിലവ വിരിയുന്ന
വേളയിലവള്‍ വീണ്ടും വരുമെന്നാശിച്ചിരിപ്പൂ...
No comments:
Post a Comment