Wednesday, August 10, 2011

ആഗ്രഹം

ഒരുനാളെനിയ്ക്കൊരു കടലി-
ന്നടിയിലൊളിയ്ക്കേണം
മുട്ടിയുരുമ്മി നീന്തിയടുക്കും
മീനുകള്‍ക്കുമ്മ കൊടുക്കേണം..

കൊമ്പന്‍ സ്രാവിന്‍ നെഞ്ചിലി-
രുന്നാ കടലു മുഴുവന്‍ നീന്തേണം...
പവിഴപ്പുറ്റുകള്‍ക്കിടയിലൊളിക്കും 
മുത്തുകള്‍ തേടിയെടുക്കേണം 

കടലാമകളുടെ കയ്യില്‍ തൂങ്ങി 
കടലിന്നാഴാമിളക്കേണം 
കടലിന്നടിയിലൊളിക്കും  സൂര്യനെ  
കൈയ്യാലെടുത്തു പൊക്കേണം...

രാവിന്‍ കുടചൂടിയണയും  അമ്പിളി-
മാമനെ പുണരേണം;
നീലക്കടലിന്‍ നിലയില്ലാച്ചൂഴിയില്‍ 
മുങ്ങാം കൂളികളുമിടേണം, 

മത്സ്യകന്യകമാരുടെ മാന്ത്രിക-
ചെപ്പു തുറന്നൊന്നു നോക്കേണം...
തിരമാലകള്‍ തന്‍ തേരില്‍ കയറി
കരയോടടുത്തു വരേണം!

എണ്ണാതുള്ളൊരു മോഹങ്ങളിനിയും
എന്നുടെയുള്ളില്‍ ഒളിഞ്ഞിരുപ്പു...  
എന്നുടെ മോഹമിതെന്തൊരു 
മോഹമിതെന്നു ഞാനും നിരൂപിപ്പൂ!!!

1 comment:

  1. ഏകദേശം ഇത് പോലെ തന്നെ ഉള്ള വിമലാ മേനോന്റെ 'എനിക്ക് കാറ്റാകണം'
    എന്നൊരു കവിതയുണ്ട് . അതിനെ കുറിച്ച് ഓര്‍ത്തു
    A GOOD VERSION OF FANTASY

    ReplyDelete