Friday, August 26, 2011

നല്ല നാളുകള്‍ക്കായ് !!!

കറുത്തിരുണ്ട മാനം പോലെ
കറുത്ത മനസ്സും പേറി
ചിരിച്ചു കാട്ടും കോമാളികളെ
ചവച്ചു തള്ളൂ മനസ്സേ നീ!

നിന്‍ സ്നേഹത്യാഗങ്ങളൊക്കെ-
യറിഞ്ഞിട്ടും അറിയാത്തവര്‍ക്കായ്
എന്തിനിന്നു നീ നിന്‍ ജീവന്റെ
മോദങ്ങളൊക്കെ ഹോമിച്ചിടുന്നു???

സ്നേഹിച്ചാല്‍ ജീവന്‍ പകര്‍ന്നു
നല്‍കുന്ന നിന്‍ മനസ്സിന്‍
സ്നേഹവായ്പ്പുകളറിയാത്തവരെ
ക്കുറിച്ചെന്തിനീ ദു:ഖമിനിയും???

മറന്നീടുക നീയെല്ലാമൊരു
കാളരാത്രിതന്‍ ദു:സ്വപ്നമായ്;
ജീവിതത്തില്‍ കിളിര്‍ക്കു,മൊരു
ആശ തന്‍ പുതുപുഷ്പമിനിയും!

നല്ല നാളുകള്‍ നിന്നെക്കാത്തു-
നില്‍ക്കുന്നുണ്ടെത്രയോ, വീണ്ടും;
അവയെല്ലാമൊരുക്കി വെയ്ക്കും
നന്മയെക്കരുതി മാത്രം നീ ജീവിച്ചിടൂ...

2 comments:

  1. some positive vibes....all the Best wishes!

    visit www.jyothirmayam.com

    ReplyDelete
  2. Thanks! These nice words from an accomplished writer like you means a lot!

    ReplyDelete