കുറെ ശിഥിലമാം വരകളില്‍
വലിയോരാത്മാവിനെ ഉള്‍ക്കൊള്ളിക്കാന്‍
വിഫലമായൊരു ശ്രമം നടത്തി
അജ്ഞാനിയാം ഞാന്‍...
അജ്ഞാനിയാം ഞാന്‍...
അനന്തമാം ആകാശത്തെപ്പോല്‍
പരന്നു കിടക്കുമാ ആത്മാവിനെ;
ആ പരബ്രഹ്മസ്വരൂപത്തെ
ഒരു കൈക്കുടന്നയിലൊതുക്കുവതെങ്ങിനെ ???
ഇതൊരു വിഫല ശ്രമമെന്ന്
ആരംഭത്തിലേ ഞാനറിഞ്ഞിരുന്നു
എങ്കിലുമെന്‍ വ്യാമോഹത്തെ
അടക്കി നിര്‍ത്താനനെനിക്കായില്ല
ഒടുവിലെന്‍ വിഫലശ്രമത്തെ,
അജ്ഞതയെ, അകറ്റി നിര്‍ത്തി
ഫലവത്താക്കി തീര്‍ത്തു തന്നു
സദ്‌ ഗുരുവാം ജ്ഞാനസ്വരൂപന്‍!
മനസ്സില്‍ ഉയര്‍ന്നുവന്നടുത്ത
നിമിഷമൊരു പ്രാര്‍ത്ഥന;
അനന്ത കോടി പ്രണാമങ്ങള്‍
സ്വയമിളിഞ്ഞുരുകിയാ കാല്‍ക്കല്‍
അര്‍പ്പിച്ചു ധന്യയായ്‌ ഞാന്‍ !!!
No comments:
Post a Comment