മുറ്റത്തു കേള്‍ക്കാനുണ്ടിടയ്ക്കിടെ
നേര്‍ത്തു പെയ്യുന്നൊരു
രാമഴ തന്‍ വളകിലുക്കം!
ചീവീടിന്‍ കച്ചേരിയൊരു മാത്ര
നിന്ന നേരമെന്‍ കാതില്‍
കേള്‍പ്പായി ആ മൃദു മന്ത്രണം!
മിന്നല്‍ പിണറുകള്‍ ഒന്നൊന്നായി
മാനത്തെ തെളിയിപ്പിച്ച നേരം
പേര്‍ത്തു കാണായ് ആ നീര്‍ത്തുള്ളികള്‍ ...
ഇടിമുഴക്കത്തിലലിഞ്ഞു പോയ്‌ -
ഇടയ്ക്കിടെ കാതോര്‍ത്താലിനിയും
കേള്‍ക്കാം ആ ചെറു മര്‍മ്മരം!
ഉറക്കത്തിലേക്കാണ്ട് പോയ ഞാന്‍
ഏന്തേ കണ്‍ മിഴിച്ചൊന്നു
പുറത്തെക്കുറ്റു നോക്കി?
എന്‍ സഖിയാം രാത്രിമഴ തന്‍
നിസ്വനങ്ങള്‍ അറിയാതെയെന്‍
ഹൃദന്തത്തിലുയര്‍ന്നിരിക്കാം ...
രാപ്പാടി പാടുന്ന പാട്ടിന്നീര-
ടികള്‍ക്കൊരു താളമായ്, രാഗമായ്,
കര്‍ണ്ണാനന്ദമേകുന്നു രാമഴ !
നിശാഗന്ധിപ്പൂക്കള്‍ അവളെക്കണ്ട്
പുഞ്ചിരിപ്പൂ , നിലാവൊളിയവളെ
മാസ്മര സുന്ദരിയാക്കിടുന്നു...
നിശതന്‍ മാരിലോളിച്ചിരുന്ന-
വളതാ പിന്നെയും പിന്നെയും
മന്ത്രിക്കുന്നുവെന്‍ കാതില്‍!
അവളുടെ ഗാനമൊരുറക്കു പാട്ടായ് മന്നി
മന്ദമെന്‍ കണ്‍ പോളകളെ തഴുകിയെത്തി;
ആ സ്നേഹവായ്പ്പില്‍ ഞാനിന്നുറങ്ങിടട്ടെ !!!
No comments:
Post a Comment