കണ്ണു തുറക്കുമോ???
പോട്ടില്ലയെന്നും, ഏറെക്കാലമായ് മേവീടുമോ-
രണക്കെട്ടിനെ ചൊല്ലിയിപ്പോള് കേള്ക്കുന്നു
ബഹു വാദ- പ്രതിവാദങ്ങളെനിയ്ക്കു ചുറ്റും!
ജീവസ്വമായ് വാഴുമൊരു ജലകണങ്ങള്
ജീവനെടുക്കുവാനലറിപ്പാഞ്ഞു വരുന്ന
ഭീകര ദൃശ്യങ്ങളാം ദു:സ്വപ്നങ്ങള് കണ്ടു
നടുങ്ങുന്നൊരു ജനത ദിനരാത്രങ്ങളിലിപ്പോള് !
ഭീതി തന് അലയടികളൊരു കൂറ്റന്
തിരയായൊഴുകിയെന് നാടിനെയാകെ
താഴ്ത്തീടവേ, സാന്ത്വനത്തിന് ചെറുതോണി
പോലുമാരുമിപ്പോള് തുഴഞ്ഞിടാത്തതെന്തേ?
വേണം പുതിയൊരു തടയണ,യതല്ല,
വേണ്ട,യിനിയുമൊരെണ്ണമെന്നുമിപ്പോള്
തമ്മില് തല്ലി,യാക്രോശിച്ചന്യോന്യം
അഹോരാത്രങ്ങളെത്തള്ളുന്നു ചിലര്!
സ്വന്തം മണ്ണിന്നവകാശമൊരുനാള്
തീറെഴുതിയന്യന്നു സമര്പ്പിച്ച നേരം,
ഓര്ത്തതില്ല നാമൊരുന്നാളീവണ്ണമതു
നമ്മള് തന് ജീവന്നു ഭീഷണിയാമെന്നും...
സ്വച്ഛന്ദമൊഴുകുമോരാറിനെയന്നങ്ങു
തടഞ്ഞനേരവുമറിഞ്ഞീല നാമൊട്ടും;
പടു കൂറ്റനൊരു വെള്ളപ്പാച്ചിലിലൊലി-
ച്ചൊഴുകിയൊടുങ്ങീടാം ജീവിതങ്ങളെന്നും
ഭൂമിയൊന്നു പതുക്കെ ചലിച്ചാലുള്ളിനുള്ളില്
മുഴങ്ങുന്നു ഭീതി തന് കാഹള സ്വനങ്ങള്!
എന്തിനി ചെയ്തീടേണ,മെന്നേതുമറിയാതെ-
യുഴയുന്നനേകായിരം ജീവിതങ്ങളെങ്ങു പോകാന്?
അധികാരത്തിന് സപ്രമഞ്ചലില് കിടന്നാ-
നന്ദിക്കും നാടുവാഴിത്തമ്പുരാക്കളെ, നിങ്ങള-
റിയുന്നുവോ നിസ്സഹായത തന് കയത്തില്
മുങ്ങുമീ പാവം പ്രജകള് തന് ദീന രോദനങ്ങള്???
കണ് തുറക്കുവാനിനിയും താമസമെന്നാകില്
കണ് മുന്പില് ശേഷിപ്പതും, കാതില് മുഴങ്ങുന്ന-
തുമെന്നു,മൊരു പാവം ജനത തന് മരണരോദന-
ങ്ങളായീടുമെന്ന ഭീകര സത്യമറിഞ്ഞീടുക നിങ്ങള്!!!
Comments
Please visit my blog when you have time.
കണ് മുന്പില് ശേഷിപ്പതും, കാതില് മുഴങ്ങുന്ന-
തുമെന്നു,മൊരു പാവം ജനത തന് മരണരോദന-
ങ്ങളായീടുമെന്ന ഭീകര സത്യമറിഞ്ഞീടുക.."
പക്ഷെ ആരും കണ്ണ് തുറക്കാന് പോകുന്നില്ല ആ മരണരോദനം വരുന്നത് വരെ . അതാണ് സത്യം. ഇപ്പോഴത്തെ മുല്ലപ്പെരിയാര് പ്രശ്നം മുഴുവന് ഉള്ക്കൊണ്ട ഒരു നല്ല കവിത . അഭിനന്ദനങ്ങള് .
എത്ര ഭീകരമായ സ്ഥിതിയാണെങ്കിലും ഒരു ദുരന്തം സംഭവിക്കാന് ഇടയുണ്ടെങ്കിലും നിഷ്ക്രിയരായിരിക്കുക നമ്മുടെ ഒരു പൊതു സ്വഭാവമാണല്ലോ! എന്ത് ചെയ്യാന്?? മനുഷ്യ ജീവിതത്തെക്കാളും മറ്റെന്തിനൊക്കെയോ വില കല്പിക്കുന്നവരോട് എന്തു പറഞ്ഞിട്ടും കാര്യമില്ല...
എന്റെ മനസ്സിന്റെ വ്യഥ ഇത്തരത്തില് പുറത്തു വന്നു എന്നു മാത്രമേ പറയാനുള്ളൂ..
അപകടം ഉണ്ടായാല്, കുത്തിയൊഴുകുന്ന വെള്ളപ്പാച്ച്ചിലിനു,
തമിഴും മലയാളവും അറിയില്ല, ദേശവും കോടിയുടെ നിറവും അറിയില്ല
പഴയ 'മോര്വി' അണക്കെട്ട് ദുരന്തത്തില് നിന്നും നമ്മള് ഒന്നും പഠിച്ചില്ലേ !!!
Sadly, we dont learn from our past mistakes...
നമ്മള് കഷ്ടപ്പെട്ട് കുത്തിപ്പിടിച്ചിരുന്ന് കൈ കഴച്ച് ടൈപ്പ് ചെയ്ത് ഒരഭിപ്രായം പറയുമ്പോള് അത് അപ്രൂവലിനുശേഷം കാണിക്കപ്പെടും എന്നു പറയുന്നത് വായനക്കാരന്റെ മുഖത്ത് കാറിതുപ്പുന്നതിനു തുല്യമാണെന്നാണെന്റെ അഭിപ്രായം. നമ്മള് ഇടുന്ന അഭിപ്രായം പിന്നീടെപ്പോഴെങ്കിലും പ്രദര്ശിപ്പിക്കപ്പെടും എന്നു പറയുന്നതിലെ ഔചിത്യം എനിക്ക് മനസ്സിലാകുന്നില്ല. എന്താണീ അപ്പ്രൂവല് എന്നതുകൊണ്ട് അര്ത്ഥമാക്കുന്നത്. തനിക്കിഷ്ടമാകുന്ന കമന്റുകള് മാത്രം പ്രസിദ്ധീകരിക്കാമെന്നാണോ. അങ്ങിനെയെങ്കില് ദയവു ചെയ്ത് സുഖിപ്പിക്കല് കമന്റ് മാത്രം ഇട്ടാല് മതിയാകും എന്ന മുന് കൂര് അഭ്യര്ത്ഥന നടത്തുന്നതല്ലേ നല്ലത്. എന്തുകൊണ്ടോ ഈ പരിപാടി എനിക്ക് ഒട്ടും തന്നെ അംഗീകരിക്കുവാന് ആകുന്നില്ല. പിന്നെ എന്റെ പ്രതിഷേധത്തെ മാനിച്ച് എന്നത് വേണ്ടായിരുന്നു. നിങ്ങള് ഇഷ്ടത്തോടുകൂടിയല്ല അത് മാറ്റിയതെന്ന ധ്വനിയുണ്ടാവാക്കുകളില്..എന്തായാലും ഇനിയും ധാരാള്ആമെഴുതുക. സമയവും സൌകര്യവുമൊക്കുന്ന മുറയ്ക്ക് വായിക്കുകയും അഭിപ്രായം പറയണമെന്ന് തോന്നുന്നതില് അറിയിക്കുകയും ചെയ്യാം.
എന്തായാലും താങ്കളുടെ വിലയേറിയ സമയത്തില് നിന്ന് കുറെ സമയം എനിയ്ക്കും എന്റെ ബ്ലോഗിനും വേണ്ടി നീക്കി വെച്ചതിലും, അഭിപ്രായങ്ങള് അറിയിച്ചതിനും ഏറെ നന്ദി...
വീണ്ടും കാണും വരേയ്ക്കും - മംഗളങ്ങള് !!
നന്ദിക്കും നാടുവാഴിത്തമ്പുരാക്കളെ, നിങ്ങള-
റിയുന്നുവോ നിസ്സഹായത തന് കയത്തില്
മുങ്ങുമീ പാവം പ്രജകള് തന് ദീന രോദനങ്ങള്???
ആര് കേള്ക്കാന്?? ഈ ആകുലതയില് ഞാനും പങ്കു ചേരുന്നു!!